پشاور: بابر سلیم سواتی، اسپیکر صوبائی اسمبلی خیبرپختونخوا، پارلیمنٹیرینز کے ہمراہ عمران خان کرکٹ اسٹیڈیم میں موجود ہیں جہاں وہ کل بروز بدھ، 22 اپریل 2026 کو سہ پہر 3 بجے منعقد ہونے والے صوبائی اسمبلی کے اجلاس کے انتظامات کا جائزہ لے رہے ہیں۔
اس موقع پر اسپیکر نے اجلاس کے انعقاد کے لیے کیے گئے انتظامات، سکیورٹی، بیٹھنے کے انتظام اور دیگر سہولیات کا تفصیلی معائنہ کیا۔ متعلقہ حکام نے انہیں اجلاس کی تیاریوں کے حوالے سے بریفنگ بھی دی۔
ذرائع کے مطابق اسپیکر نے ہدایت کی کہ اجلاس کے انعقاد کے لیے تمام انتظامات بروقت اور مؤثر انداز میں مکمل کیے جائیں تاکہ ارکان اسمبلی کو کسی قسم کی دشواری کا سامنا نہ ہو۔
