خیبر پختونخوا کے سرکاری تعلیمی اداروں میں گرمیوں کی تعطیلات ختم ہوگئیں، جس کے بعد مڈل، ہائی اور ہائر سیکنڈری اسکول آج سے دوبارہ کھل گئے۔
ڈائریکٹوریٹ ایلیمنٹری اینڈ سیکنڈری ایجوکیشن کی جانب سے اعلامیہ جاری کر دیا گیا، جس میں سکولوں میں مارننگ اسمبلی معطل کرنے کا کہا گیا ہے ۔
اعلامیے کے مطابق سمر زون کے مڈل، ہائی اور ہائر سیکنڈری سکولوں میں 17 سے 31 اگست 2026 تک مارننگ اسمبلی نہیں ہوگی، جبکہ ونٹر زون کے سکول معمول کے مطابق کھلے رہیں گے۔
اعلامیے کے مطابق ونٹر زون کے پرائمری، مڈل، ہائی اور ہائر سیکنڈری اسکول معمول کے ٹائم ٹیبل کے مطابق تعلیمی سرگرمیاں جاری رکھیں گے۔
محکمہ تعلیم کے مطابق یکم ستمبر 2026 سے خیبرپختونخوا کے تمام سکول معمول کے روٹین اور ٹائم ٹیبل کے مطابق کام کریں گے۔
سکولوں کی دوبارہ افتتاح کے ساتھ طلبہ کی تعلیمی سرگرمیاں بحال ہوگئی ہیں، جبکہ متعلقہ حکام نے موسم اور انتظامی صورتحال کے پیش نظر مارننگ اسمبلی سے متعلق خصوصی ہدایات جاری کی ہیں۔
