گورنر خیبرپختونخوا فیصل کریم کنڈی نے کہا کہ ہے خیبرپختونخوا کا مستقبل تابناک ہے آج یہاں سرمایہ کاری کرنے والے مستقبل میں بہترین فوائد حاصل کرینگے
ان خیالات کا اظہار انہوں نے متحدہ عرب امارات کے معروف کاروباری گروپ پرو میٹ گروپ کے چیف ایگزیکٹو آفیسر وینسینٹ اپیل (Vincent Apil) اور بزنس ڈیولپمنٹ ڈائریکٹر ڈاکٹر محمد ادریس خان سے گفتگو کے دوران کیا ،
وفد نے گورنر کو گروپ سے منسلک کمپنیوں کی دنیا کے متعدد ممالک اور پاکستان میں جاری منصوبوں کے بارے میں بریفنگ دی
گورنر خیبرپختونخوا فیصل کریم کنڈی نے کہا کہ خیبرپختونخوا میں ہر شعبہ زندگی میں سرمایہ کاری کے مواقع ہیں ، سیاحت ، پیٹرول ، معدنیات ، تہذیب ہر لحاظ سے یہ صوبہ پاکستان کے دیگر علاقوں سے کئی گنا آگے ہے
انہوں نے کہا کہ دنیا بھر کی کمپنیاں پاکستان میں سرمایہ کاری کی جانب راغب ہورہی ہیں
وفد نے کہا کہ ہمارا گروپ آئیل اینڈ گیس ، سیمنٹ ، واٹر منیجمنٹ ، شوگر سیکٹر میں تکنیکی ، آٹومیشن ، فلو میٹر سیکٹر میں ترجیحی بنیادوں پر کام کریںگے
انہوں نے وفد کی جانب سے دی گئی بریفنگ کو سراہا
اس موقع پر گورنر نے وفد کو خصوصی شیلڈ پیش کی
