پشاور(ویب ڈیسک) احتساب عدالت پشاور نے اپر کوہستان مالیاتی سکینڈل میں چار بے نامی داروں کے اثاثے منجمند کرنے سے متعلق نیب کے فیصلے کی توثیق کرتے ہوئے ڈپٹی کمشنر اسلام اباد کو منجمند اثاثے تحویل میں لینے کا حکم دے دیا ۔کیس کی سماعت احتساب عدالت کے جج محمد حامد مغل نے نے کی۔ عدالت میں نیب کے سیپشل پراسیکیوٹر حبیب اللہ بیگ اور تحقیقاتی آفسر پیش ہوئے ۔سیپشل پراسیکیوٹر نے عدالت کوبتایا کہ کوہستان مالیاتی سکینڈل میں گرفتار ملزمان عمر فاروق ، محمد ایاز ، محمد عمر اور عبدالحنان بے نامی دار ہیں سکینڈل کے ملزمان نے مذکورہ بے نامی داروں کے نام پر اثاثے بنائے جس میں اسلام اباد کے مختلف سیکٹرز میں پلاٹس اور گھر خریدے گئے ،ڈی جی نیب نے 18 مارچ کو مذکورہ بے نامی داروں کے اثاثے منجمند کردیے لہذا عدالت ڈی جی نیب کی احکامات کی توثیق کریں عدالت نے چار بے نامی داروں کے اثاثے منجمند کرنے کی توثیق کرتے ہوئے ڈپٹی کمشنر اسلام اباد کو منجمند اثاثے تحویل میں لینے کا حکم دے دیا
، کوہستان مالیاتی سکینڈل،ڈپٹی کمشنر اسلام اباد کو منجمند اثاثے تحویل میں لینے کا حکم
Follow US
Find US on Social Medias
