پشاور: وزیراعلیٰ خیبرپختونخوا محمد سہیل آفریدی کی زیر صدارت محکمہ کمیونیکیشن اینڈ ورکس کا اہم اجلاس منعقد ہوا جس میں صوبے میں جاری ترقیاتی منصوبوں اور روڈ انفراسٹرکچر پر پیشرفت کا تفصیلی جائزہ لیا گیا۔
اجلاس کے دوران وزیراعلیٰ نے ضم اضلاع کو آپس میں ملانے کے لیے نئی سڑکوں کی تعمیر کی اسکیم آئندہ سالانہ ترقیاتی پروگرام میں شامل کرنے کی ہدایت جاری کی۔ انہوں نے صوبائی موٹر ویز اور ایکسپریس ویز کے منصوبوں پر کام کی رفتار مزید تیز کرنے پر بھی زور دیا۔
محمد سہیل آفریدی کا کہنا تھا کہ صوبے بھر میں مربوط اور جدید روڈ نیٹ ورک کے قیام کے لیے عملی اقدامات جاری ہیں، کیونکہ بہتر انفراسٹرکچر ہی معاشی ترقی کی بنیاد ہے۔ انہوں نے کہا کہ جدید سڑکوں کا جال بچھا کر عوام کو معیاری اور محفوظ سفری سہولیات فراہم کی جائیں گی۔
وزیراعلیٰ نے نئی تعمیر شدہ سڑکوں پر لائن مارکنگ اور کیٹ آئیز کی تنصیب یقینی بنانے کی ہدایت دیتے ہوئے کہا کہ جاری ترقیاتی منصوبوں کو مقررہ ٹائم لائنز کے مطابق مکمل کیا جائے، کیونکہ کسی بھی قسم کی تاخیر ہرگز برداشت نہیں کی جائے گی۔
انہوں نے واضح کیا کہ ترقیاتی منصوبوں کی بروقت تکمیل سے عوام کو براہ راست ریلیف ملے گا جبکہ تمام عوامی منصوبوں میں میرٹ اور اعلیٰ معیار پر کسی قسم کا سمجھوتہ نہیں کیا جائے گا۔
اجلاس کو محکمہ سی اینڈ ڈبلیو کے مجموعی ترقیاتی پورٹ فولیو، منصوبوں پر پیشرفت، جاری فنڈز اور اخراجات کے حوالے سے تفصیلی بریفنگ بھی دی
