خیبر پختونخوا میں عوامی ٹرانسپورٹ کے کرایوں میں بے ضابطگیوں کے خلاف سخت اقدامات کا فیصلہ کر لیا گیا ہے۔ حکام کے مطابق متعدد ٹرانسپورٹرز سی این جی پر گاڑیاں چلانے کے باوجود مسافروں سے پٹرول کے حساب سے کرایہ وصول کر رہے ہیں، جس پر تشویش کا اظہار کیا گیا ہے۔متعلقہ حکام نے اعلان کیا ہے کہ سی این جی پر چلنے والی گاڑیوں کی باقاعدہ مانیٹرنگ کی جائے گی اور اس مقصد کے لیے مختلف شاہراہوں اور روٹس پر خصوصی چیک پوائنٹس قائم کیے جائیں گے۔
ان چیک پوائنٹس پر گاڑیوں کے فیول کی نوعیت، کرایہ نامے اور اوورچارجنگ کی شکایات کا جائزہ لیا جائے گا۔حکام کا کہنا ہے کہ صوبے کے تمام روٹس پر زائد کرایہ وصول کرنے والے ڈرائیورز اور ٹرانسپورٹرز کے خلاف سخت کارروائی عمل میں لائی جائے گی، جس میں جرمانے، روٹ پرمٹ کی معطلی اور دیگر قانونی اقدامات شامل ہوں گے۔مسافروں کو بھی ہدایت کی گئی ہے کہ وہ سرکاری طور پر مقرر کردہ کرایہ نامے پر عمل درآمد کو یقینی بنائیں اور کسی بھی زیادتی کی صورت میں متعلقہ حکام کو فوری اطلاع دیں۔اس حوالے کمشنر پشاور ڈویژن ریاض خان محسود کی زیر صدارت ایک اہم اجلاس منعقد ہوا،
جس میں ٹرانسپورٹ کرایوں میں خودساختہ اضافے کی روک تھام اور نئے کرایہ ناموں کی منصفانہ تشکیل پر غور کیا گیا۔اجلاس میں ڈپٹی کمشنر پشاور کیپٹن (ر) ثنا اللہ، ڈائریکٹر جنرل کیپیٹل میٹروپولیٹن ، سیکرٹری ریجنل ٹرانسپورٹ اتھارٹی ابرار احمد وزیر، سکریٹری پی ٹی اے اکبر افتخار، ٹریفک مجسٹریٹ بشارت احمد اور دیگر متعلقہ افسران نے شرکت کی۔کمشنر پشاور ڈویژن نے واضح ہدایات جاری کرتے ہوئے کہا کہ چونکہ خیبرپختونخوا کے تقریبا 70 فیصد بین الصوبائی ٹرانسپورٹ سی این جی استعمال کرتے ہیں لحاظہ سی این جی پر چلنے والے ٹرانسپورٹ کے کرایہ ناموں میں کسی کو اضافہ کرنے کی اجازت نہیں دی جائے گی اور خودساختہ کرایوں میں اضافے کو ہر صورت روکا جائ
پیٹرولیم مصنوعات کی موجودہ قیمتوں کے مطابق پٹرول اور ڈیزل پر چلنے والے ٹرانسپورٹ کے کرایہ نامے ازسرنو مرتب کیے جائیںتمام اڈوں پر سرکاری کرایہ نامہ اور شیڈول ریٹ نمایاں طور پر آویزاں کیے جائیںانہوں نے ڈائریکٹر جنرل کیپیٹل میٹروپولیٹن حکام کو ہدایت کی کہ شیڈول ریٹس پر مبنی بینرز اور پوسٹرز فوری طور پر ٹرانسپورٹ اڈوں پر لگائے جائیں، جبکہ سیکرٹری ریجنل ٹرانسپورٹ اور سیکرٹری پی ٹی ائے کو پٹرول اور ڈیزل پر چلنے والے ٹرانسپورٹ کے نئے کرایہ ناموں کی تیاری کا عمل جلد مکمل کرنے کی ہدایت دی گئی۔
جبکہ سیکرٹری ریجنل ٹرانسپورٹ اتھارٹی کو پرائیویٹ سافر اڈوں کے دورے کرنے اور سرکاری کرایہ نامہ پر عمل درآمد یقینی بنانے کی ہدایات جاری کیے انہوں نے خود ساختہ کرایہ وصولی کی روک تھام کے لیے تین اسسٹنٹ کمشنرز کو پشاور کے تین بڑے مسافر اڈوں حاجی کیمپ اڈہ، چارسدہ اڈہ اور کوہاٹ اڈے میں تعینات کرنے اور زائد کرایہ وصولی کی روک یقینی بنانے کی ہدایات جاری کیے اسسٹنٹ کمشنرز کے ہمراہ ریجنل ٹرانسپورٹ اتھارٹی، پروفیشنل ٹرانسپورٹ اتھارٹی اور کیپٹل میٹرو پولیٹن کے اہلکار بھی موجود ہونگے اجلاس میں یہ بھی فیصلہ کیا گیا کہ تمام متعلقہ ادارے باہمی رابطوں کو مزید مثر بنائیں تاکہ عوام کو ریلیف فراہم کیا جا سکے اور ٹرانسپورٹ کے کرایوں میں شفافیت یقینی بنائی جا سکے۔حکام نے اس عزم کا اظہار کیا کہ عوامی مفاد کے خلاف کسی بھی غیر قانونی اقدام کو برداشت نہیں کیا جائے گا اور خلاف ورزی کرنے والوں کے خلاف سخت کارروائی عمل میں لائی جائے گی۔
