پاک افغان سرحد پر سکیورٹی فورسز کی کارروائی کے دوران بھارتی حنمایت یافتہ 26 دہشتگرد مارے گئے، تفصلات کے مطابق پاک افغان سرحدی علاقوں میں فتنہ الخوارج سے تعلق رکھنے والے 26 بھارتی سرپرستی یافتہ دہشت گردوں کو پاکستان کی سیکورٹی فورسز نے ہلاک کر دیا، یہ کارروائیاں حالیہ دہشت گردی کے واقعات کے فوری بعد کی گئی ہیں۔
وفاقی وزیر اطلاعات عطا اللہ تارڑ نے سماجی رابطے کی ویب سائٹ ایکس پر بتایا کہ 9 جون 2026 کو موسیٰ درہ میں فیڈرل کانسٹیبلری کی چوکی پر دہشت گرد حملے کے فوری ردعمل میں کارروائیاں کی گئیں۔ ان کا کہنا تھا کہ 2 جون کو شمالی وزیرستان میں فوجی پوسٹ پر خودکش حملے کے بعد دہشت گرد نیٹ ورک کے خلاف کارروائیوں کو تیز کیا گیا۔
وفاقی وزیر اطلاعات کے مطابق انٹیلی جنس رپورٹس کی بنیاد پر دہشت گردوں کے ٹھکانوں، تربیتی مراکز اور اسلحہ ذخائر کو انتہائی درستگی سے نشانہ بنایا گیا۔ ان کارروائیوں میں چار اہم اہداف مکمل طور پر تباہ کیے گئے، جن میں ایک بڑا تربیتی مرکز اور اسلحہ گودام شامل ہیں۔
فتنہ الخوارج کے اہم کمانڈرز علیم خان خوشالی اور اختر محمد جانی خیل سے منسلک مراکز بھی نشانہ بنائے گئے۔
وزیر اطلاعات نے کہا کہ پاکستان نے واضح کیا ہے کہ ملک میں امن و استحکام کیلئے ہر ممکن اقدامات جاری رکھے جائیں گے، شہریوں کی حفاظت ریاست کی اولین ترجیح ہے اور کسی بھی خطرے کا سخت جواب دیا جائے گا۔
