پولیس موبائل وین پر خودکش حملہ میں ملوث ملزم کی عبوری ضمانت کے لئے دائر درخواست خارج

انسداد دہشت گردی کی خصوصی عدالت رنگ روڈ مویشی منڈی کے قریب پولیس موبائل وین پر خودکش حملہ میں ملوث ملزم کی عبوری ضمانت کے لئے دائر درخواست خارج کردی پولیس نے ملزم کو کمرہ عدالت سے گرفتار کرلیا کیس کی سماعت اے ٹی سی کے جج مھمد ولی خان نے کی سماعت شروع ہوئی تو عدالت میں ملزم حمد مصطفیٰ، اس کا وکیل، اور پراسیکیوٹر عدالت میں پیش ہوئے پراسیکیوشن کے مطابق ملزم پر الزام ہے کہ 11 مئی 2025 کو رنگ روڈ پر پولیس تھانہ چمکنی کی حدود میں مویشی منڈی کے قریب پولیس موبائل وین کے قریب خودکش حملہ میں ملوث ہیں اس دن رنگ روڈ پر جے یوآئی کا جلسہ ہو رہا تھا مولانا فضل الرحمان جلسہ میں موجود تھے پولیس نے رنگ روڈ اور جلسہ گاہ کی جانب جانے والے راستوں پر ناکہ بندی کی ہوئی تھی ملزم پولیس موبائل پر خودکش حملے کے کیس میں نامزد ہے پولیس موبائل پر خودکش حملے میں سب انسپکٹر لائق زادہ اور کانسٹیبل عالمزیب شہید ہوئے تھے، واقعے میں دو پولیس اہلکار اور دو راہگیر زخمی بھی ہوئے تھے، ملزم سنگین جرم میں ملوث ہے رعایت کا حقدار نہیں ہے، اس سے تحقیقات کی ضرورت ہے کیونکہ ملزم کو کیس میں شریک ملزم گل سعود کے بیان کی روشنی میں نامزد کیا گیا ہے اس کی عبوری ضمانت خارج کی جائے تاکہ اس سے مزید تحقیقات کی جائیں عدالت نے دلائل مکمل ہونےپر ملزم کی عبوری ضمانت کے لئے دائر درخواست خارج کردی جس کے بعد ملزم کو کمرہ عدالت سے گرفتار کرلیا گیا