پٹرولیم مصنوعات کی قیمتوں میں حالیہ اضافہ پشاور ہائیکورٹ میں چیلنج

خیبر پختون خوا بار کونسل کے رکن نے بھی وفاقی حکومت کی جانب سے پٹرولیم مصنوعات کی قیمتوں میں حالیہ اضافے کو پشاور ہائیکورٹ میں چیلنج کردیا گیا رٹ پٹیشن خیبر پختون خوا بار کونسل کے رکن احمد فاروق خٹک ایڈوکیٹ نے سید تیمور علی شاہ ایڈوکیٹ کی وساطت سے دائر کی ہے جس میں وفاقی وزارت پٹرولیم، گیس و قدرتی وسائل ، سیکٹری کیبنیٹ ڈویزن ، اوگرا اور وفاقی حکومت کو فریق بنایا گیا ہے رٹ پٹیشن میں درخواست گزاروں نے موقف اختیار کیا ہے کہ وفاقی حکومت نے 200 روپے تک ایک لیٹر پٹرول کی قیمت میں اضافہ کرنے کے بعد اس میں 80 روپے کی کمی کردی تاہم اس سے عام شہری کی زندگی اجیرن ہو گئی ہے رٹ پٹیشن میں موقف اختیار کیا گیا کہ امریکہ ایران جنگ کے اثرات وفاقی حکومت غریب عوام پر ڈال رہی ہے اور اس سے اشیائے خورد نوش کی قیمتوں میں اضافہ کے ساتھ ساتھ عوام ادمی کے لئے پبلک ٹرانسپورٹ میں سفر کرنا بھی مشکل ہو گیا ہے رٹ میں موقف اختیار کیا گیا ہے کہ اس ضمن میں وفاقی حکومت ایک طرف مہنگائی کا رونہ رو رہی ہے تو دوسری جانب پٹرولیم لیوی کو بڑھا رہی ہے دیگر ممالک میں ٹیکسز کو کم کردیا گیا ہے تاہم پاکستان میں اس حوالے سے کوئی خاطرخوا اقدامات نہیں اٹھائے جا رہے اور ٹیکسز کا سارا جوجھ غریب عوام پر ڈالا جا رہا ہے رٹ میں موقف اختیار کیا گیا ہے ایسے اقدامات سے مہنگائی سے پسے عوام مزید غربت کی لکیر سے نیچے چلے جائیں گے