امریکہ ایران تناو میں کمی ،پاکستان میں پیٹرول 55 روپے فی لیٹر سستا ہونے کا امکان

امریکہ اور ایران کے درمیان ممکنہ کشیدگی میں کمی اور جنگ بندی کی خبروں کے بعد پاکستان میں پیٹرولیم مصنوعات کی قیمتوں میں کمی کی توقعات زور پکڑنے لگی ہیں،امریکہ ایران تنا میں کمی ،پاکستان میں پیٹرول 55 روپے فی لیٹر سستا ہونے کا امکان ظاہر کیا جارہا ہے ،ماہرین کے مطابق اگر خطے میں حالات معمول پر آتے ہیں تو عالمی منڈی میں خام تیل کی قیمتوں میں کمی ہو سکتی ہے، جس کا براہِ راست فائدہ پاکستان سمیت دیگر درآمدی ممالک کو پہنچ سکتا ہے۔عالمی سطح پر تیل کی ترسیل کے لیے نہایت اہم گزرگاہ آبنائے ہرمز میں کشیدگی کم ہونے کی صورت میں سپلائی چین بہتر ہوگی، جس سے تیل کی قیمتوں پر دبا کم ہوگا۔ اس پیش رفت کے بعد مقامی سطح پر بھی پیٹرول کی قیمتوں میں کمی ہوگی۔چند دن قبل وفاقی حکومت نے اتحادی جماعتوں کو اعتماد میں لیا تھا کہ جیسے ہی عالمی حالات میں بہتری آئے گی، عوام کو ریلیف فراہم کرنے کے لیے پیٹرولیم مصنوعات کی قیمتوں میں کمی کی جائے گی۔ ماہرین کا کہنا ہے کہ 55 روپے فی لیٹر تک کمی سے مہنگائی میں بھی کمی آنے کی توقع ہے۔حکومتی حلقوں کا کہنا ہے کہ وہ صورتحال کا مسلسل جائزہ لے رہے ہیں اور جیسے ہی معاشی گنجائش پیدا ہوئی، عوام کو زیادہ سے زیادہ ریلیف فراہم کرنے کی کوشش کی جائے گی۔