حالات معمول پر آتے ہی پیٹرولیم مصنوعات کی قیمتوں میں مزید کمی کی جائے گی،وفاقی حکومت

)اتحادی جماعتوں کے رہنماؤں نے وفاقی حکومت کے پالیسیز پر اعتماد کا اظہار کیاہے اور اتفاق کیا گیا ہے کہ حالات معمول پر آتے ہی پیٹرولیم مصنوعات کی قیمتوں میں مزید کمی کی جائے گی۔پارلیمنٹ ہاؤس میں حکومتی اتحادی جماعتوں کا اہم اجلاس ختم ہوگیا۔وزیر پارلیمانی امور طارق فضل چودھری نے اجلاس کا اعلامیہ جاری کر دیا ۔مسلم لیگ ن، پیپلز پارٹی، ایم کیو ایم سمیت دیگر اتحادی جماعتوں کے رہنماؤں کی شرکت ہوئی۔اجلاس میں وزیر دفاع خواجہ آصف، وزیر خزانہ محمد اورنگزیب، وزیر منصوبہ بندی احسن اقبال، وزیر پیٹرولیم علی پرویز ملک اور وزیر پارلیمانی امور ڈاکٹر طارق فضل چوہدری سمیت دیگر اہم رہنما شریک ہوئے۔ طارق فضل نے کہا کہ وزیر خزانہ اور وزیر پیٹرولیم نے پارلیمانی رہنماؤں کو موجودہ صورتحال سے متعلق بریف کیا،اتحادی جماعتوں کے رہنماؤں نے وفاقی حکومت کے پالیسیز پر اعتماد کا اظہار کیا۔ وزیر پارلیمانی امورنے کہا کہ پیٹرولیم مصنوعات کی قیمتوں کے حوالے سے مزید اقدامات پر غور کیا گیا، حالات معمول پر آتے ہی پیٹرولیم مصنوعات کی قیمتوں میں مزید کمی کی جائے گی۔