جنگ بندی کے ساتھ ہی ایران نے آبنائے ہرمز کھولنے کا اعلان کر دیا

امریکی صدر ڈونلڈ ٹرمپ کی جانب سے جنگ بندی کے اعلان کے بعد ایران نے آبنائے ہرمز کھولنے کا اعلان کر دیا، ایران کے مطابق یہ اہم گزرگاہ سب کیلئے 2 ہفتے کیلئے کھول دی گئی ہے. تفصیلات کے مطابق وزیراعظم شہبازشریف سے اظہار تشکر کرتے ہوئے ایران نے آبنائے ہرمز کھولنے کا اعلان کر دیا۔ ایرانی وزیر خارجہ عباس عراقچی نے کہا ہے کہ وزیراعظم شہبازشریف اور فیلڈ مارشل عاصم منیر کی جنگ بندی کی کوششوں کو سراہتے ہیں، جنہوں نے جنگ بندی کیلئے ان تھک محنت کی۔ دوسری طرف اس معاہدے کے حوالے سے بات چیت جمعہ کو اسلام آباد میں متوقع ہیں جس کیلئے وزیراعظم شہباز شریف نے دونوں ممالک کے وفود کو دعوت دی ہے، تاہم اس جنگ بندی کے ساتھ ہی ایران نے آبنائے ہرمز کھولنے کا اعلان کر دیا۔ یاد رہے امریکی صدر نے وزیراعظم شہباز شریف کی درخواست پر عمل کرتے ہوئے ایران پر بڑے حملے کی ڈیڈ لائن میں 2 ہفتے کی توسیع کر دی، اس کے ساتھ ہی ٹرمپ نے اپنے سوشل میڈیا پیغام میں کہا کہ ایران کے خلاف ممکنہ فوجی کارروائی کو 2 ہفتوں کیلئے مؤخر کر دیا گیا ہے اور اس دوران دو طرفہ جنگ بندی نافذ رہے گی۔ صدر ٹرمپ نے اپنے پیغام مِیں مزید کہا تھا کہ یہ جنگ بندی آبنائے ہرمز کے فوری اور محفوظ انداز میں کھولنے سے مشروط ہے