ڈاکٹر اصف ملک قاتلانہ حملے میں شدید زخمی، ینگ ڈاکٹرز ایسوسی ایشن کی مذمت

مشہور یورولوجسٹ پروفیسر ڈاکٹر اصف ملک قاتلانہ حملے میں شدید زخمی ہوئے ہیں، جنہیں فوری طور پر ہسپتال منتقل کر دیا گیا ہے. تفصیلا ت کے مطابق کوہاٹ سے تعلق رکھنے والے ڈاکٹر اصف ملک کو نامعلوم افراد نے پشاور میں نشانہ بنایا ، جنہیں تشویش ناک حالت میں ہسپتال منتقل کر دیا گیا۔
ڈاکٹر اصف ملک حیات اباد میں واقع امراض قلب کے ہسپتال، اور پشاور جنرل ہاسپٹل حیات اباد کے چیئرمین ہیں، ان کے فوری علاج معالجہ کیلئے وہاں منتقل کرنے کے بعد پشاور جنرل ہسپتال حیات اباد میں ایمرجنسی نافذ کر دی گئی۔
دوسری طرف ینگ ڈاکٹرز ایسوسی ایشن کی جانب سے پشاور میں معروف یورولوجسٹ پر ان کے گھر کے قریب ہونے والے بزدلانہ قاتلانہ حملے کی شدید الفاظ میں مذمت کی گئی ہے۔
بیان میں بتایا گیا ہے کہ یہ واقعہ ہسپتال سے گھر واپسی کے وقت پیش ایا، جو کہ نہ صرف ایک سینئر ڈاکٹر پر حملہ ہے بلکہ پوری میڈیکل کمیونٹی کے لیے شدید تشویش کا باعث ہے، ڈاکٹرز خود کو غیر محفوظ تصور کر نے لگے ہیں ۔
ڈاکٹرز ایسوسی ایشن نے حکومت اور قانون نافذ کرنے والے اداروں سے مطالبہ کیا کہ فوری طور پر ملزمان کو گرفتار کر کے انہیں قرار واقعی سزا دی جائے۔