بنوں میں پولیس گاڑی پرحملہ ،اے ایس آئی شہید ،2دہشت گرد ہلاک

خیبر پختونخوا کے ضلع بنوں میں پولیس گاڑی پردہشت گردوں کے حملے میں اے ایس آئی شہید جبکہ جوابی کارروائی میں 2دہشت گرد ہلاک ہو گئے ۔
پولیس ذرائع کے مطابق واقعے تھانہ ہوید کی حدود میں پیش آیا جہاں دہشت گردوں نے فائرنگ کے بعد پولیس کی گاڑی کو آگ لگاد ی۔
واقعے میں اے ایس آئی دل نواز شہید جبکہ کئی اہلکار زخمی ہو گئے جنہیں ہسپتال منتقل کیا گیا ۔
ڈی آئی جی سجاد خان نے حملے کی تصدیق کرتے ہوئے کہا کہ پولیس کی جوابی کارروائی میں 2دہشت گرد ہلاک جبکہ کئی زخمی ہو گئے ہیں ۔
انہوں نے کہا کہ دہشت گردوں کی دو موٹر سائیکلیں بھی قبضے میں لے لی گئی ہیں ۔