شیر بنگلا اسٹیڈیم میں دوسرے ون ڈے انٹرنیشنل میچ میں بنگلادیش نے ٹاس جیت کر پہلے بولنگ کا فیصلہ کیا ہے۔ بنگلادیشی کپتان مہدی حسن نے کہا کہ وہ پچھلے میچ کی کامیابی کے فارمولے کو برقرار رکھنا چاہتے ہیں، اس لیے ٹیم میں کوئی تبدیلی نہیں کی گئی اور وہی کھلاڑی میدان میں اتارے گئے ہیں جنہوں نے پہلے میچ میں کامیابی حاصل کی تھی۔
سماجی خبریں
پاکستانی کپتان شاہین آفریدی نے کہا کہ بلے باز اپنی پچھلی غلطیوں سے سبق سیکھ چکے ہیں اور آج بہتر کارکردگی دکھانے کی کوشش کریں گے۔ انہوں نے بتایا کہ ٹیم میں ایک تبدیلی کی گئی ہے، اسپنر ابرار احمد کی جگہ فاسٹ بولر حارث رؤف کو پلیئنگ الیون میں شامل کیا گیا ہے۔
یاد رہے کہ پاکستان ٹیم کو پہلے میچ میں 8 وکٹوں سے شکست کا سامنا کرنا پڑا تھا۔ سیریز کا تیسرا اور آخری میچ اتوار کو کھیلا جائے گا۔
