صوبائی وزیر اطلاعات شفیع جان نے کہا ہے کہ رات کی تاریکی میں عمران خان کی خفیہ ہسپتال منتقلی اور ملاقاتوں پر پابندی بدترین فسطائیت ہے، پنجاب کی کٹھ پتلی حکومت عمران خان کی صحت کے معاملے پر سیاست کررہی ہے، عدالتی احکامات کی روشنی میں عمران خان سے ملاقات کیلئے ان کی بہنیں اور وکلا آج اڈیالہ جیل جائیں گے۔
انہوں نے کہا کہ رات کی تاریکی میں عمران خان کی خفیہ ہسپتال منتقلی اور ملاقاتوں پر پابندی بدترین فسطائیت ہے، انہوں نے سوال اٹھایا کہ پنجاب حکومت واضح کرے کہ عمران خان کی صحت سے متعلق کون سی معلومات چھپائی جا رہی ہیں انہوں نے کہا ہے کہ عمران خان کی فیملی، وکلا اور ذاتی معالجین کو فوری ملاقات کی اجازت دی جائے اور انہیں بہتر علاج کیلئے شوکت خانم میموریل ہسپتال یا الشفا آئی ہسپتال منتقل کیا جائے۔انہوں نے کہا کہ پنجاب حکومت عمران خان کی صحت کے معاملے پر سیاست کر رہی ہے اور یہ طرزِ عمل قابلِ مذمت ہے۔شفیع جان کے مطابق پارٹی ہر قانونی اور آئینی حد تک جا کر عمران خان کیلئے انصاف حاصل کرے گی۔
