حیات آباد میں اقرا یونیورسٹی کے طلباء ہاسٹل میں خوراک کے مسائل ودیگر سہولیات کی عدم دستیابی کے حوالے سے پرامن احتجاج کررہے تھے۔
ذرائع کے مطابق یونیورسٹی کے پرائیویٹ سیکورٹی گارڈ نے احتجاج کرنے والے طلباء پر مبینہ فائرنگ کی وجہ سے طلباء میں خوف و ہراس پھیل گیا، واقعے پر طلبا میں شدید تشویش پائی جاتی ہے۔
اطلاع ملتے ہی ڈی ایس پی حیات آباد اور ایس ایچ او تھانہ حیات آباد بھاری نفری کے ہمراہ فوری موقع پر پہنچ گئے۔
پولیس کے مطابق صورتحال کنٹرول میں ہے، فائرنگ کرنے والوں کے خلاف قانون کے مطابق کارروائی عمل میں لائی جائے گی۔
