خیبر پختونخوا کے 19 اضلاع کی ضلعی انتظامیہ کی سطح پر بڑے پیمانے پر تبادلے کرتے ہوئے نئے ڈپٹی کمشنرز تعینات کر دیے گئے، اس حوالے سے فہرست جاری کر دی گئی، جس کے مطابق پشاور، مردان، صوابی، چارسدہ، بنوں، سوات، ایبٹ آباد اور دیگر اضلاع میں ڈپٹی کمشنرز کی تعیناتیاں کی گئی ہیں۔
ان انتظامی تبدیلیوں کے تحت مختلف افسران کو نئے اضلاع کی ذمہ داریاں سونپی گئی ہیں، فراہم کردہ تفصیلات کے مطابق نئے ڈپٹی کمشنرز اور ان کے متعلقہ اضلاع کی فہرست درج ذیل ہے۔
خیبر پختونخوا کے 19 اضلاع کی ضلعی انتظامیہ میں تقرر و تبادلے کئے گئے ہیں، ان نو تعینات ہونے والے ڈی سیز کی تفصیل جاری کر دی گئی ہے، ان افسران میں صوبائی دارالحکومت پشاور کیلئے نئے ڈی سی آفاق وزیر ہونگے، ان کے علاوہ چارسدہ کیلئے منصور ارشد، صوابی کیلئے نصر اللہ، مردان کیلئے شاہ سعود ضلعی انتظامیہ کے سربراہ مقرر کئے گئے ہیں۔
ان کے علاوہ ضلع بنوں کیلئے ضیا الرحمان، لکی مروت کیلئے شاہد رفیق، کرک کیلئے حامد اقبال، ایبٹ آباد کیلئے بہزاد عادل، مانسہرہ کیلئے یاسر علی خان، بٹگرام کیلئے گوہر علی خان ، سوات کیلئے عدنان ابرار اور اپر سوات کیلئے شہریار قمر کو ضلعی انتظامیہ کی باگ ڈور تھما دی گئی ہے۔
اپر دیر کیلئے دلنواز خان، لوئر چترال کیلئے احسان الہ اور اپر چترال کیلئے ارشد خان کو ڈی سی مقرر کیا گیا ہے، مالاکنڈ کیلئے عارف خان، ہری پور کیلئے وسیم احمد، شانگلہ کیلئے حامد علی اور بونیر کیلئے انوار الحق کو ڈی سی بنا دیا گیا ہے۔
