ضلع ہری پور میں سری کوٹ روڈ پر مرن دھو کے قریب ایک تیز رفتار مسافر وین ڈرائیور سے بے قابو ہو کر الٹ گئی، جس کے نتیجے میں خواتین سمیت 10 افراد زخمی ہو گئے۔
پولیس کے مطابق حادثے کا شکار ہونے والی وین سری کوٹ سے گدوالیاں جا رہی تھی کہ راستے میں ڈرائیور گاڑی پر قابو نہ رکھ سکا، جس کے باعث وین الٹ گئی۔
حادثے کی اطلاع ملتے ہی امدادی ٹیمیں موقع پر پہنچ گئیں اور زخمیوں کو ابتدائی طبی امداد فراہم کرنے کے بعد قریبی ٹراما سینٹر منتقل کر دیا گیا، جہاں ان کا علاج جاری ہے۔
پولیس کا کہنا ہے کہ حادثے کی وجوہات جاننے کے لیے تحقیقات کا آغاز کر دیا گیا ہے تاکہ واقعے کی اصل وجہ کا تعین کیا جا سکے۔
