خیبرپختونخوا میں آسمانی بجلی، آندھی اور طوفانی بارشوں سے 7 افراد جاں بحق، 33 زخمی
پشاور: خیبرپختونخوا میں گزشتہ 24 گھنٹوں کے دوران آسمانی بجلی گرنے، آندھی اور طوفانی بارشوں کے مختلف واقعات میں 2 بچوں اور ایک خاتون سمیت 7 افراد جاں بحق جبکہ 33 افراد زخمی ہوگئے۔ اس دوران 25 مویشی بھی ہلاک ہوئے۔
پی ڈی ایم اے کی رپورٹ کے مطابق صوبے کے تین اضلاع میں مختلف حادثات پیش آئے۔ ضلع بنوں میں آندھی اور شدید بارش کے باعث گھروں کی چھتیں اور دیواریں گرنے سے 2 بچوں سمیت 4 افراد جان کی بازی ہار گئے جبکہ 24 افراد زخمی ہوئے، جن میں 9 بچے اور 9 خواتین شامل ہیں۔
رپورٹ کے مطابق ضلع مانسہرہ میں آسمانی بجلی گرنے اور طوفانی بارش کے باعث خاتون سمیت 2 افراد جاں بحق ہوئے۔ ضلع شانگلہ میں بھی آسمانی بجلی گرنے کے نتیجے میں ایک شخص جاں بحق جبکہ 5 بچوں اور 3 خواتین سمیت 9 افراد زخمی ہوگئے۔
پی ڈی ایم اے کے مطابق آسمانی بجلی گرنے کے واقعات میں 25 مویشی بھی ہلاک ہوئے ہیں۔ متاثرہ علاقوں میں ریسکیو 1122، ضلعی انتظامیہ اور دیگر متعلقہ ادارے امدادی سرگرمیوں میں مصروف ہیں۔
پی ڈی ایم اے نے شہریوں کو خراب موسمی حالات کے دوران احتیاطی تدابیر اختیار کرنے اور غیر ضروری سفر سے گریز کرنے کی ہدایت کی
