ٹانک میں نامعلوم مسلح افراد کے ہاتھوں اغوا ہونے والے ریسکیو 1122 کے ڈسٹرکٹ ایمرجنسی آفیسر وقاص عالم خٹک کی سرکاری گاڑی برآمد کر لی گئی، تاہم مغوی اہلکاروں کا تاحال کوئی سراغ نہیں مل سکا۔
ذرائع کے مطابق جمعرات کے روز گاؤں صفدر کے قریب مین ڈیرہ روڈ پر نامعلوم مسلح افراد نے اسلحے کے زور پر ریسکیو 1122 ٹانک کے تین اہلکاروں کو اغوا کر لیا تھا۔ مغویوں میں ڈسٹرکٹ ایمرجنسی آفیسر وقاص عالم خٹک، کلرک مدثر اور ڈرائیور آفتخار شامل ہیں۔
واقعے کے بعد ریسکیو 1122 اہلکاروں اور مقامی عوام میں تشویش کی لہر دوڑ گئی ہے جبکہ مغوی اہلکاروں کی جلد اور محفوظ بازیابی کیلئے دعائیں کی جا رہی ہیں۔
