- خیبرپختونخوا کے سب سے بڑے تدریسی ہسپتال لیڈی ریڈنگ ہسپتال (ایل آر ایچ) میں سرجری کے لیے استعمال ہونے والی پانچ سی آرم مشینوں میں سے چار خراب ہونے کا انکشاف سامنے آیا ہے، جس کے باعث اہم آپریشنز متاثر اور مریضوں کو شدید مشکلات کا سامنا ہے،جبکہ ایک ہی فعال مشین پر متعدد شعبہ جات کا انحصار ہونے سے ہڈیوں اور دیگر حساس سرجریوں میں تاخیر معمول بن گئی ہے،ذرائع کے مطابق ہسپتال میں موجود سی آرم مشینوں کی خرابی کے باعث مختلف شعبہ جات میں سرجریوں کا شیڈول بری طرح متاثر ہو رہا ہے جبکہ ہڈیوں،اور دیگر حساس نوعیت کے آپریشنز میں تاخیر معمول بن چکی ہے،طبی عملے کے مطابق سی آرم مشین سرجری کے دوران جسم کے اندرونی حصوں کی فوری عکس بندی کے لیے استعمال ہوتی ہے اور اس کی عدم دستیابی سے پیچیدہ آپریشنز متاثر ہوتے ہیں، ڈاکٹرز کے مطابق یہ مشین آرتھوپیڈک سرجریزمیں بنیادی اہمیت رکھتی ہے،زرائع کے مطابق مشینوں کی خرابی کے باعث نہ صرف آپریشن مؤخر ہو رہے ہیں بلکہ بعض مریضوں کو نجی ہسپتالوں کا رخ کرنا پڑ رہا ہے جس سے ان پر اضافی مالی بوجھ پڑ رہا ہے،ہسپتال ذرائع کا کہنا ہے کہ متعلقہ حکام کو متعدد بار مشینوں کی مرمت اور نئی مشینوں کی فراہمی کے لیے آگاہ کیا جا چکا ہے تاہم تاحال مؤثر اقدامات نہیں کیے گئے، زرائع کے مطابق لیڈی ریڈنگ ہسپتال میں خراب مشینیں فوری طور پر فعال نہ کئےگئےتومریضوں کو بروقت علاج کی سہولت میسر نہیں ہو سکےگا،دوسری جانب ایل آر ایچ کے ترجمان محمد عاصم نے ہسپتال میں چار مشینوں کی خرابی کی تصدیق کی ہے،
لیڈی ریڈنگ ہسپتال (ایل آر ایچ) میں سرجری کے لیے استعمال ہونے والی پانچ سی آرم مشینوں میں سے چار خراب ہونے کا انکشاف
Follow US
Find US on Social Medias
