ہری پور کے حطار انڈسٹریل اسٹیٹ میں گیس پائپ لائن دھماکے کے نتیجے میں خاتون اور بچی سمیت 7 افراد جاں بحق ہو گئے۔
ریسکیو 1122 کے مطابق واقعہ جی ٹی روڈ پر گرائنڈنگ مل کے قریب پیش آیا، جہاں گیس پائپ لائن میں دھماکے کے بعد خوفناک آگ بھڑک اٹھی۔
دھماکے کے باعث قریبی مکان بھی آگ کی لپیٹ میں آ گیا ڈی پی او ہری پور کے مطابق اب تک 4 خواتین اور 6 بچوں کو ریسکیو کر لیا گیا ہے، تاہم آگ کی شدت مسلسل بڑھ رہی ہے۔
انہوں نے مزید بتایا کہ متعدد خواتین اور بچے آگ میں بری طرح جھلس کر زخمی ہوئے ہیں، جبکہ ریسکیو 1122 کی جانب سے امدادی کارروائیاں تاحال جاری ہیں۔
