پشاور: پاکستان تحریک انصاف خیبرپختونخوا نے سینیٹ کے ضمنی انتخابات کیلئے عرفان سلیم کو باضابطہ طور پر امیدوار نامزد کر دیا ہے۔
پارلیمانی بورڈ کی منظوری کے بعد صوبائی جنرل سیکرٹری علی اصغر خان نے اس حوالے سے باقاعدہ نوٹیفکیشن جاری کر دیا۔ ڈپٹی انفارمیشن سیکرٹری خیبرپختونخوا اکرام کھٹانہ کے مطابق عرفان سلیم ایک مضبوط، نظریاتی اور متحرک سیاسی کارکن کے طور پر جانے جاتے ہیں۔
اکرام کھٹانہ نے کہا کہ عرفان سلیم کی نامزدگی پارٹی کارکنان کے اعتماد کا مظہر ہے اور قیادت نے یہ فیصلہ میرٹ اور کارکردگی کی بنیاد پر کیا ہے۔ ان کا کہنا تھا کہ سینیٹ میں عوام کی موثر آواز بلند کرنے کیلئے عرفان سلیم بہترین انتخاب ثابت ہوں گے۔
انہوں نے مزید کہا کہ عرفان سلیم حقیقی آزادی کے بیانیے کے علمبردار ہیں اور پارٹی قیادت کا یہ فیصلہ کارکنان کی امنگوں کی بھرپور ترجمانی کرتا •ہے۔
