ملک بھر کی طرح خیبرپختونخوا میں بھی شدید بارشیں جاری ہیں، اس دوران صوبہ کے مختلف علاقوں میں سیلابی ریلے میں بہہ جانے اور دیگر مختلف واقعات میں 7 افراد جاں بحق جبکہ کئی زخمی ہوئے ، بارشوں سے متعدد گھروں کو نقصان پہنچا۔قبائلی ضلع خیبر کے علاقے لنڈیکوتل میں بھی بارشوں سے تباہی مچا دی ہے جہاں بارشوں سے چار افراد سیلابی ریلے میں بہہ گئے ہیں، جن میں سے تین افراد کی لاشیں سیلابی ریلے سے نکال لی گئیں،
تاہم ایک شخص کی تلاش جاری ہے، چاروں افراد ٹرک ڈرائیورز تھے جو صبح سویرے ایک گاڑی میں سوار ہو کر پشاور جار تھے۔مقامی لوگوں کے مطابق گاڑی بھی سیلابی ریلے سے نکال دی گئی، سیلابی ریلے سے سات مقامات پر پاک افغان شاہراہ بند ہے، جبکہ ان بارشوں سے گزشتہ رات مختلف علاقوں میں چھتیں اور دیواریں گرنے کی اطلاعات بھی موصول ہو ئی ہیں۔ادھر ضلع لکی مروت میں دریائے گمبیلا اور دریائے کرم میں اونچے درجے کا سیلاب ریکارڈ کیا گیا ہے، اس حوالے سے ریسکیو ذرائع نے بتایا ہے کہ دریائے گمبیلا اور دریائے کرم کے بہا میں اچانک اضافہ ہوا ہے جہاں نشیبی علاقے خطرے میں آ گئے،
مقامی افراد نے کہا ہے کہ سیلاب کے باعث گندم کی کھڑی فصلوں کو بھی نقصان پہنچا۔ضلعی انتظامیہ نے فوری طور پر حرکت میں آتے ہوئے دریاں کے قریب رہائش پذیر مکینوں کو فوری محفوظ مقامات پر منتقل ہونے کی ہدایت کی ہے، بچوں اور عوام کو دریا کے قریب جانے سے سختی سے روک دیا گیا۔دوسی جانب خیبرپختونخوا میں شدید بارشیں جاری ہیں، جس کی وجہ سے پاک افغان شاہراہ بھی ِ متاثر ہوئی، جہاں سیلابی ریلے میں موٹر کا ر بہہ گئی، جس میں سوار تین افراد جاں بحق ہوئے ہیں۔جاں بحق ہونے والے افراد کا تعلق لنڈی کوتل خیبر نیکی خیل سے ہے، لوگوں نے اپنی مدد آپ کے تحت 2افراد کی لاشیں نکال لیں، جبکہ تیسرے شخص کی تلاش جاری ہے.
