خیبر پختونخوا ، منگل کے روز فائرنگ کے مختلف واقعات کے دوران دو خواتین سمیت 8افراد قتل، کئی زخمی

خیبر پختونخوا کے مختلف علاقوں میں منگل کے روز فائرنگ کے مختلف واقعات کے دوران دو خواتین سمیت 8افراد قتل جبکہ کئی زخمی ہوگئے ۔واقعات کے مطابق ضلع بنوں کے علاقے ڈومیل کاشو پل کے قریب چار افراد کی نعشیں برآمد، پولیس رپورٹ کے مطابق مقتولین کا تعلق ایک ہی خاندان سے ہے، ملزمان کی گرفتاری کیلئے کوششیں جاری ہیں۔چاروں افراد کو فائرنگ کر کے قتل کیا گیا دوسری جانب مردان کے علاقے کھنڈرے گڑھی کپورہ میں اراضی تنازعہ پر دو خواتین سمیت تین افراد قتل کر دیئے گئے،ذرائع کے مطابق یہ واقعہ گھر کے اندر پیش آیا جہاں فائرنگ کے نتیجے میں دو خواتین سمیت اجمل نامی شخص موقع پر ہی جان کی بازی ہار گئے۔ واقعہ ایک پرانے اراضی تنازعہ کا نتیجہ بتایا جا رہا ہے ،ادھر ضلع دیرلوئر کے علاقہ ابو تنگے اسبنڑ میں بدبخت بیٹے نے اپنے ہی والد کو قتل کیااسبنڑ پولیس نے ملزم حنیف خان کو گرفتار کرکے ان کے خلاف بھائی اکبر علی کی مدعیت میں رپورٹ درج کرلی،