وزیر اعلیٰ خیبر پختونخوا محمد سہیل آفریدی سے افغانستان کے سفیر سردار احمد شکیب نے ٹیلی فونک رابطہ

وزیر اعلیٰ خیبر پختونخوا محمد سہیل آفریدی سے افغانستان کے سفیر سردار احمد شکیب نے ٹیلی فونک رابطہ کیا، جس میں رجسٹرڈ مہاجرین کی جلد واپسی سے متعلق معاملات پر تفصیلی تبادلہ خیال کیا گیا۔
افغان سفیر سردار احمد شکیب نے وزیر اعلیٰ کا شکریہ ادا کیا، اور مہاجرین کی رجسٹریشن کے عمل کو مزید مؤثر بنانے کیلئے نادرا وینز کی تعداد میں اضافے پر اطمینان کا اظہار کرتے ہوئے اس میں مزید اضافے کی درخواست بھی کی۔
افغان سفیر نے مزید درخواست کی کہ جن مہاجرین کی رجسٹریشن مکمل ہو چکی ہے، انہیں جلد از جلد واپسی کی اجازت دی جائے۔
وزیراعلیٰ سہیل آفریدی نے اس موقع پر کہا کہ افغان مہاجرین ہمارے بھائی اور مہمان ہیں، اور حکومت ان کی باعزت واپسی کیلئے ہر ممکن سہولت فراہم کر رہی ہے، ہم اللہ تعالیٰ سے افغانستان میں بہتر حالات کیلئے دعاگو ہیں اور واضح کیا کہ مہاجرین کیلئے سہولیات میں بہتری کے حوالے سے متعلقہ اداروں کو واضح ہدایات جاری کی جا چکی ہیں اور اس سلسلے میں کسی قسم کی کوتاہی برداشت نہیں کی جائے گی۔
یاد رہے کہ وزیر اعلیٰ خیبر پختونخوا محمد سہیل آفریدی سے افغانستان کے سفیر سردار احمد شکیب نے ٹیلی فونک رابطہ کیا، جس میں باہمی دلچسپی کے امور اوردو طرفہ تعاون، خصوصاً رجسٹرڈ مہاجرین کی جلد واپسی سے متعلق معاملات پر تفصیلی تبادلہ خیال کیا گیا۔