پیٹرولیم مصنوعات کی قیمتوں میں اضافہ۔خیبر پختونخوا بار کونسل کا پیر کے روز عدالتوں سے بائیکاٹ کا اعلان

پشاور(ویب ڈیسک)خیبرپختونخوا بار کونسل نے حکومت کی جانب سے حالیہ پٹرولیم مصنوعات کی قیمتوں میں اضافے کو مسترد کرتے ہوئے پیر کے روز صوبہ بھر میں عدالتوں کے بائیکاٹ کا اعلان کردیا ۔گزشتہ روز خیبر پختون خوا بار کونسل کی جنرل باڈی کا اجلاس ہوا جس میں متفقہ قرار داد کے زریعے پٹرولیم مصنوعات کی قیمتوں میں اضافے کے خلاف پیر کے روز عدالتوں کےبائیکاٹ کا اعلان کیا ۔بار کونسل نے پٹرولیم مصنوعات کی قیمتوں میں مسلسل اضافے پر گہری تشویش کا اظہار کیا اور موقف اپنایا کہ اس اضافے کے باعث ٹرانسپورٹ، خوراک ، ادویات اور دیگر اشیائے ضروریہ کی قیمتوں میں ہوشربا اضافہ دیکھنے میں آ رہا ہے، جس نے عام آدمی کی زندگی کو مزید دشوار بنا دیا ہے۔ ایسی معاشی پالیسیاں نہ صرف عوامی مفادات کے منافی ہیں بلکہ سماجی عدم مساوات کو بھی فروغ دے رہی ہیں۔خیبر پختون خوا بار کونسل نے حکومتِ سے پرزور مطالبہ کیا کہ پٹرولیم مصنوعات کی قیمتوں کے اضافے سے متعلق پالیسی کا فوری طور پر ازسرِنو جائزہ لیا جائے پیٹرولیم مصنوعات پر عائد تمام ٹیکسزز کو ختم کیا جائے اور تمام گاڑیوں پر عائد ٹول ٹیکس کو فوری طور ختم کیا جائے تا کہ عوام کو فوری ریلیف فراہم ہوسکے۔ حکومت کا یہ اقدام بلاجواز، غیر ضروری اور عوام دشمن ہے کہ عوام الناس پر ناقابلِ برداشت معاشی بوجھ پڑ رہا ہے، خصوصاً وہ طبقات جو پہلے سے مہنگائی کی وجہ سے مشکلات کا سامنا کر رہا ہے