: ضلع بنوں میں فتح خیل پولیس چوکی پر خودکش حملہ، شدید دھماکوں اور فائرنگ سے علاقہ گونج اٹھا، دھماکے میں 13 پولیس اہلکار شہید جبکہ تین زخمی ہوئے ہیں۔
بنوں کے علاقے فتح خیل میں قائم پولیس چوکی پر بارود سے بھری گاڑی کے ذریعے مبینہ خودکش حملہ کیا گیا ، جس کے بعد شدید دھماکوں اور فائرنگ کا سلسلہ شروع ہوگیا، حملے کے دوران متعدد دھماکے ہوئے جن کی آواز دور دور تک سنی گئی، جبکہ علاقے میں خوف و ہراس پھیل گیا۔
پولیس کے مطابق بارود سے بھری گاڑی کو فتح خیل پولیس چوکی کے ساتھ ٹکرائی جس کے فوراً بعد چاروں اطراف سے عسکریت پسندوں نے شدید فائرنگ شروع کر دی، اس دوران چوکی سے رابطہ بھی منقطع ہوگیا ۔
، دھماکے کے نتیجے میں چیک پوسٹ مکمل زمین بوس ہوگئی ، اور وہاں کھڑی بکتر بند گاڑی بھی تباہ ہو گئی ہے۔
دھماکے کے باعث نزدیکی عمارتوں کو بھی شدید نقصان پہنچا ہے۔ دوسری جانب بنوں کے تینوں ہسپتالوں میں ایمرجنسی نافذ کردی گئی ہے۔ شہر بھر میں پولیس کی جانب سے ناکہ بندیاں سخت کردی گئی ہیں جبکہ عوام بھی پولیس کے ساتھ تعاون کیلئے گھروں سے نکل آئے ہیں۔
سکیورٹی اداروں کی جانب سے صورتحال پر کڑی نظر رکھی جارہی ہے،پولیس کے مطابق ابتک دس ڈیڈ باڈیز اور تین زخمی برآمد کئے گئے ہیں۔ریسکیو 1122 کی ٹیمیں امدادی سرگرمیوں میں مصروف ہیں ، جبکہ ہلاکتوں کی تعداد میں اضافہ ہو سکتا ہے۔
واقعہ میں مقامی شہریوں کے زخمی ہونے کی اطلاعات بھی ہیں ۔
بتایا گیا ہے کہ خوارج نے بارود سے بھری گاڑی پولیس سٹیشن سے ٹکرانے کی کوشش کی جس کو ٹارگٹ پر پہنچنے سے پہلے ہی پولیس نے فائر کر کے اڑا دیا۔ دھماکےسے مقامی ابادی کو بھی بھاری نقصان پہنچا ہے ، سیکورٹی فورسز نے علاقے کو گھیرے میں لےکر کارروائی شروع کر دی۔
