باجوڑ کے علاقے عنایت کلے بازار میں نامعلوم مسلح افراد کی فائرنگ سے 2 افراد جاں بحق ہوگئے۔
پولیس کے مطابق فائرنگ کے نتیجے میں دونوں افراد زخمی ہوئے تھے جنہیں فوری طور پر ڈی ایچ کیو اسپتال منتقل کیا گیا تاہم وہ جانبر نہ ہوسکے۔
ترجمان پولیس کے مطابق جاں بحق ہونے والوں کی شناخت صدر ناوگئی بازار اسماعیل زرگر اور اجمل کے ناموں سے ہوئی۔
پولیس کا کہنا ہے کہ واقعے کی تحقیقات شروع کردی گئی ہیں جبکہ ملزمان کی تلاش جاری ہے۔
