اپر کوہستان مالیاتی سکینڈل کے اہم ملزم محمد ایوب خان نے پلی بارگین کے لئے باضابطہ درخواست دے دی

پشاور(خبرنگار) اپر کوہستان مالیاتی سکینڈل کے اہم ملزم ٹھیکہ دار ملزم محمد ایوب خان نے پلی بارگین کے لئے باضابطہ درخواست دے دی ملزم نے پلی بارگین کی درخواست سیکشن 25 (بی) نیب آرڈیننس 1999 کے تحت دی ہے۔نیب کے مطابق ملزم پر سکینڈل میں اربوں روپے خوربرد کرنے کا الزام ہے۔گزشتہ روز سپرٹنڈنٹ سینٹرل جیل پشاور کی وساطت سے ملزم نے پلی بارگین کے درخواست احتساب عدالت کو بھیجوا دی جس کے بعد احتساب عدالت نے ملزم کی پلی بارگین درخواست ڈی جی نیب پشاور کو ارسال کر دی ۔احتساب عدالت کے جج محمد ظفر خان نے درخواست پر ضروری کارروائی کا حکم دے دیا ۔یہ بھی معلوم ہوا ہے کہ ملزم نے پلی بارگین کے لیے بیان حلفی بھی درخواست کے ساتھ جمع کرادی جس میں اس نے پلی بارگین کے لیے جائیداد کی پیشکش کر دی، ملزم نے راولپنڈی کے موضع باجنیال میں 4 کنال 12 مرلہ کمرشل پراپرٹی دینے کی پیشکش کی،ملزم کے مطابق پیشکش کی گئی کمرشل پراپرٹی کی مالیت تقریباً 160 ملین روپے ہے۔ملزم نے پلی بارگین کے تحت اپنی واجب الادا رقم کے عوض جائیداد کی پیشکش کی واجبات کی عدم ادائیگی پر ملزم نے اپنی منجمد جائیدادیں نیلام کرنے کا اختیار بھی دے دیا۔