خیبر پختونخوا کے مختلف اضلاع میں فائرنگ کے مختلف واقعات میں 6افراد جاں بحق جبکہ 13سے زائد زخمی ہوگئے

خیبر پختونخوا کے مختلف اضلاع میں فائرنگ کے مختلف واقعات میں 6افراد جاں بحق جبکہ 13سے زائد زخمی ہوگئے پہلے واقع میں ضلع چارسدہ میں فائرنگ واقعات کے دوران 5 افراد قتل کر دیئے گئے جبکہ ان واقعات میں خاتون سمیت 6 افراد زخمی ہوئے ہیں۔ تھانہ شبقدر کی حدود خوبئی کلی میں فائرنگ کے نتیجے میں ایک شخص قتل جبکہ ایک خاتون اور راہگیر سمیت چار افراد زخمی ہوئے ہیں،ادھر ضلع چارسدہ کے علاقے عمرزئی میں بھرے بازار میں ٹریکٹر ٹرالر ڈرائیور قتل کر دیا گیا، چارسدہ میں فائرنگ واقعات کے بعد مقتول کے باپ کی مدعیت میں تھانہ عمر زئی میں نامعلوم ملزمان کے خلاف رپورٹ درج کر دی گئی۔
پولیس کے مطابق شبقدر بازار اور گوندا میں دیرینہ دشمنی کے بنا پر فائرنگ کے نتیجے 3 افراد جاں بحق جبکہ 2 افراد زخمی ہوئے، جاں بحق ہونے والوں میں ایک راہگیر بھی شامل ہے، زخمیوں کو طبی امداد کے لئے پشاور منتقل کر دیا گیا۔ ضلع نوشہرہ میں فائرنگ واقعات کے دوران جہاں ایک شخص جاں بحق ہوا ہے ، وہیں ان واقعات میں 7 افراد زخمی بھی ہوئے ہیں۔