باجوڑ میں فائرنگ، اے این پی رہنما ڈاکٹر طارق کے بھائی شہید

باجوڑ: ضلع باجوڑ کے علاقے لوی سم میں نامعلوم مسلح افراد کی فائرنگ سے عوامی نیشنل پارٹی (اے این پی) کے رہنما ڈاکٹر طارق کے بھائی عبدالرزاق شہیدہو گئے۔پولیس کے مطابق فائرنگ کے نتیجے میں عبدالرزاق شدید زخمی ہوئے، جنہیں فوری طور پر طبی امداد کے لیے اسپتال منتقل کیا گیا، تاہم وہ دوران علاج زخموں کی تاب نہ لاتے ہوئے دم توڑ گئے۔پولیس حکام کا کہنا ہے کہ واقعے کے محرکات تاحال معلوم نہیں ہو سکے، جبکہ قانون نافذ کرنے والے اداروں نے جائے وقوعہ سے شواہد اکٹھے کرکے تحقیقات کا آغاز کر دیا ہے۔حکام کے مطابق واقعے کے تمام پہلوں کا جائزہ لیا جا رہا ہے اور فائرنگ میں ملوث افراد کی گرفتاری کے لیے کارروائیاں جاری ہیں۔