میٹرک سالانہ امتحانات: اسلامیات کے بعد اردو کا پرچہ بھی آوٹ

پشاور تعلیمی بورڈ کے زیر اہتمام ہونے والے میٹرک کے سالانہ امتحانات میں گزشتہ روز اسلامیات کا پرچہ آوٹ ہونے کے بعد آج اردو کا پرچہ بھی آوٹ ہو گیا، اور امتحانی ہال میں‌پیپر شروع ہونے سے قبل باہر پرچہ پہہنچ گیا ، ابھی امتحان میں‌دو پرچے ہی ہوئے ہیں تاہم اس دوران پپرز لیگ ہونے کے اس تسلسل کے باعث کنٹرولر امتحانات اور بورڈ چیئرمین کی کارکردگی پر سوالات اٹھا دیئے ہیں۔
ذرائع کے مطابق اس سے قبل اسلامیات کا پرچہ جہاں امتحانہ مرکز میں‌طلبہ کو دیا گیا وہیں‌باہر بھی حل شدہ پرچہ پایا گیا اور فوٹو سٹیٹ کی دکانوں‌پر موجود تھا، اور آج اردو کا پرچہ بھی آوٹ ہوا ہے ، یعنی ریکارڈ کے مطابق میٹرک امتحانات میں پرچہ آوٹ ہونا معمول بن گیا، پیپر میں مختصر سوالات پر مشتمل ایم سی کیوز پیپر سے پہلے منظر عام پر آ گئے۔
میٹرک سالانہ امتحانات میں اردو کا پرچہ امتحان شروع ہونے سے قبل آوٹ ہونے پر سوالات اٹھنے لگے ہیں کہ تعلیمی بورڈ امتحانی نظم و ضبط برقرار رکھنے میں ناکام رہا۔ اس سے قبل کئے جانے والے سخت انتظامات کے اعلانات امتحان شروع ہوتے ہی ہوا میں‌اڑ گئے.