دیر بالا: شلتلو پولیس چوکی پر حملے اور واڑی میں فائرنگ سے نوجوان جاں بحق ہونے کی اطلاعات
ضلع دیر بالا سے موصولہ اطلاعات کے مطابق شلتلو پولیس چوکی پر شدت پسندوں کی جانب سے حملہ کیا گیا ہے۔ ابتدائی اطلاعات کے مطابق حملے میں اے ایس آئی عمرا خان سمیت فرنٹیئر کور (ایف سی) کے دو اہلکار زخمی ہوئے ہیں۔ تاہم حکام کی جانب سے تاحال اس واقعے کی باضابطہ تصدیق یا تفصیلات جاری نہیں کی گئی ہیں۔
دوسری جانب ضلع دیر بالا کے واڑی بازار میں سلیم ہوٹل کے قریب فائرنگ کا ایک الگ واقعہ پیش آیا، جس میں سلطان خیل، درہ چرکوم سے تعلق رکھنے والا ایک نوجوان جاں بحق ہوگیا۔ واقعے کے بعد پولیس نے موقع پر پہنچ کر شواہد اکٹھے کرنا شروع کر دیے ہیں، جبکہ قتل کی وجوہات جاننے کے لیے تحقیقات جاری ہیں۔
