سوات۔سیدو ٹیچنگ ہسپتال میں TMOs اور HOs کی ہڑتال، متعدد او پی ڈیز بند، مریض شدید مشکلات کا شکار سیدو ٹیچنگ ہسپتال میں ٹی ایم اوز (TMOs) اور ہائوس آفیسرز (HOs) کی ہڑتال کے باعث متعدد او پی ڈیز بند رہنے سے دور دراز علاقوں سے علاج کے لیے آنے والے مریضوں کو شدید مشکلات کا سامنا کرنا پڑ رہا ہے، جبکہ غریب اور مستحق مریض علاج کے حصول میں مزید پریشانی سے دوچار ہیں۔
ذرائع کے مطابق ہڑتال کے باعث ہسپتال کی معمول کی طبی سرگرمیاں متاثر ہوئی ہیں اور بعض او پی ڈیز میں مریضوں کا معائنہ اور علاج معمول کے مطابق نہیں ہو سکا کئی مریض کئی گھنٹوں کا سفر اور سفری اخراجات برداشت کرکے ہسپتال پہنچے، تاہم او پی ڈیز کی بندش کے باعث بعض مریضوں کو علاج کے بغیر واپس لوٹنا پڑا
مریضوں کا کہنا ہے کہ سرکاری ہسپتال غریب اور کم آمدن والے افراد کے لیے علاج کا اہم اور بعض اوقات واحد سہارا ہے، اس لیے ہڑتال کے دوران بھی مریضوں کے علاج اور ضروری طبی سہولیات کی فراہمی یقینی بنائی جانی چاہیئے
ذرائع کا کہنا ہے کہ بعض سینئر ڈاکٹرز کے نجی کلینکس میں مریضوں کا رش برقرار ہے، جس پر مریضوں کی جانب سے سوال اٹھایا جا رہا ہے کہ اگر سرکاری ہسپتال میں علاج متاثر ہو رہا ہے تو نجی کلینکس میں طبی خدمات معمول کے مطابق کیوں جاری ہیں
ہڑتال کے باعث مختلف آپریشنز کے لیے پہلے سے دی گئی تاریخوں اور اوقات کے بھی متاثر ہوا
