خیبرپختونخوا میں دو مختلف آپریشنز کے دوران 10 دہشت گرد ہلاک کر دیئے گئِے، پاک فوج کے شعبہ تعلقات عامہ آئی ایس پی آر کے مطابق خیبرپختونخوا میں سکیورٹی فورسز نے دو الگ الگ کارروائیوں کے دوران 10 دہشت گرد ہلاک کر دیئے۔
آئی ایس پی آر کے مطابق جنوبی وزیرستان کے علاقے اعظم ورسک میں دہشت گردوں نے سکیورٹی فورسز کی چوکی پر حملہ کرنے کی کوشش کی، تاہم فورسز کی مثر جوابی کارروائی میں 8 دہشت گرد ہلاک ہو گئے۔
دوسری کارروائی خیبرپختونخوا کے ضلع دیر میں کی گئی، جہاں سکیورٹی فورسز نے انٹیلی جنس کی بنیاد پر آپریشن کرتے ہوئے 2 دہشت گرد ہلاک کر دیے۔
آئی ایس پی آر کے مطابق ہلاک ہونے والے دہشت گردوں کے قبضے سے اسلحہ اور گولہ بارود بھی برآمد کیا گیا، جبکہ سرکاری بیان میں کہا گیا کہ وہ دہشت گردی کی متعدد کارروائیوں میں ملوث تھے۔
