آل پاکستان انٹر یونیورسٹی باسکٹ بال چیمپئن شپ یونیورسٹی آف سنٹر ل پنجاب اور لاہور یونیورسٹی نے فائنل کیلئے کوالیفائی کرلیا

ڈائریکٹوریٹ آف سپورٹس، پشاور یونیورسٹی کے زیرِ اہتمام آل پاکستان انٹر یونیورسٹی باسکٹ بال چیمپئن شپ میں یونیورسٹی آف سنٹر ل پنجاب اور لاہور یونیورسٹی کی ٹیموں نے فائنل کیلئے کوالیفائی کرلیا ، یونیورسٹی گرانڈ پر جاری پہلے سیمی فائنل میں یونیورسٹی آف سنٹرل پنجاب نے پنجاب یونیورسٹی کو 42-22 سکور سے شکست دی ، جبکہ دوسری سیمی فائنل میں لاہور یونیورسٹی نے نیشنل یونیورسٹی آف سائنسز اینڈ ٹیکنالوجی (نسٹ) اسلام آبادکو 79-67 سکور سے شکست دیکر فائنل کیلئے کوالیفائی کیا ، تیسرے پوزیشن کیلئے پنجاب یونیورسٹی اور نیشنل یونیورسٹی آف سائنسز اینڈ ٹیکنالوجی (نسٹ) اسلام آبادکے مابین میچ کھیلاجائیگا۔اس موقع پر ڈائریکٹر سپورٹس پشاور یونیورسٹی بحرکرم ، اسسٹنٹ ڈائریکٹر سجاد خان سمیت دیگر اہم شخصیات موجود تھیں ۔
چیمپئن شپ میں نیشنل یونیورسٹی آف سائنسز اینڈ ٹیکنالوجی (نسٹ) اسلام آباد، اقرا یونیورسٹی کراچی، یونیورسٹی آف سنٹرل پنجاب لاہور، یونیورسٹی آف لاہور، گورنمنٹ کالج یونیورسٹی فیصل آباد، نمل یونیورسٹی اسلام آباد، یونیورسٹی آف ویٹرنری اینڈ اینیمل سائنسز لاہور، گورنمنٹ کالج یونیورسٹی لاہور، پنجاب یونیورسٹی لاہور، یونیورسٹی آف ہری پور، یونیورسٹی آف سرگودھا اور میزبان یونیورسٹی آف پشاور سمیت مختلف جامعات کی ٹیموں نے حصہ لیا