خیبرپختونخوا کے مختلف اضلاع میں فائرنگ کے واقعات کے دوران پولیو ورکر سمیت6افراد قتل ,تین زخمی

خیبرپختونخوا کے مختلف اضلاع میں فائرنگ کے واقعات کے دوران پولیو ورکر سمیت6افراد قتل جبکہ تین زخمی ہوگئے ،ہنگو اور سوات میں فائرنگ واقعات کے دوران تین افراد جاں بحق جبکہ دو زخمی ہوئے ہیں۔ ہنگو کے تھانہ سٹی کے علاقے تبلیغی مرکز کے قریب دو فریقین میں فائرنگ تبادلہ ہوا، پولیس ذرائع کے مطابق فائرنگ سے دو افراد جاں بحق جبکہ ایک زخمی ہوا ہے۔ادھر ضلع سوات کے سنٹرل ہسپتال سیدو شریف کے سامنے فائرنگ کا واقعہ رونما ہوا جس میں ایک بھائی جاں بحق جبکہ دوسرا زخمی ہوا ہے ،
دوسری جانب صوبائی دارالحکومت پشاور کے نواحی علاقہ ارمڑ میں پولیو ورکر قتل، پولیس نے مقدمہ درج کر کے فرار ملزم کی تلاش شروع کر دی۔ ٹارگٹ کلنگ کی اس مبینہ واردات کے دوران انسداد پولیو مہم پر مامور محکمہ صحت کا اہلکار نامعلوم افراد کی فائرنگ کا نشانہ بنا اور اسے اس کے بھائی کے سامنے قتل کردیا گیا۔جبکہ ضلع دیربالا میں اراضی تنازعہ پر ایک شخص قتل کر دیا گیا، واقعات کے مطابق عشیری درہ تارپتار میں اراضی تنازعہ پر فائرنگ کا واقعہ رونما ہوا، جس میں گولیوں کا نشانہ پر اکبر علی نامی شخص جاں بحق ہو گیا۔جاں بحق شخص کی لاش آر ایچ سی تارپتار منتقل کر دی گئی۔