سوات موٹروے پر اسماعیلہ کے قریب فلائنگ کوچ اور بس کے درمیان خوفناک تصادم کے نتیجے میں 16 مسافر جاں بحق جبکہ 7 افراد شدید زخمی ہوگئے، موٹر وے پولیس۔
موٹر وے پولیس کے مطابق حادثے کے فوری بعد امدادی ٹیمیں موقع پر پہنچ گئیں اور لاشوں و زخمیوں کو مردان میڈیکل کمپلیکس منتقل کردیا گیا۔
پولیس کا کہنا ہے کہ حادثہ فلائنگ کوچ ڈرائیور کی غفلت کے باعث پیش آیا، جس نے سائیڈ پر کھڑی بس کو پیچھے سے ٹکر مار دی۔
جاں بحق افراد اور زخمیوں کا تعلق مختلف اضلاع سے ہے۔
