پشاور: تھانہ فقیر آباد کی حدود میں نامعلوم افراد کی فائرنگ کے نتیجے میں سارہ نامی خواجہ سرا شدید زخمی ہو گئی۔
پولیس کے مطابق واقعہ اقبال پلازہ کے قریب پیش آیا جہاں ملزمان نے خواجہ سرا کو نشانہ بنا کر فائرنگ کی اور موقع سے فرار ہوگئے۔
پولیس حکام کا کہنا ہے کہ زخمی خواجہ سرا کو تین گولیاں لگی ہیں، جس کے باعث اس کی حالت تشویشناک بتائی جا رہی ہے۔
ریسکیو ٹیموں نے زخمی کو فوری طور پر قریبی ہسپتال منتقل کر دیا جہاں اسے طبی امداد فراہم کی جا رہی ہے۔
پولیس نے واقعہ کی تفتیش شروع کر دی ہے جبکہ ملزمان کی تلاش کے لیے علاقے میں سرچ آپریشن بھی جاری ہے۔
