وفاقی حکومت نے پیٹرولیم مصنوعات کی قیمتوں میں کمی کا اعلان کر دیا ہے،
وزارتِ پیٹرولیم کی جانب سے جاری اعلامیے کے مطابق پیٹرول کی قیمت میں 6 روپے فی لیٹر کمی کی گئی ہے، جس کے بعد نئی قیمت 403 روپے 78 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 6 روپے 80 پیسے فی لیٹر کمی کی گئی ہے۔
ذرائع کے مطابق نئی قیمتوں کی منظوری وزیراعظم شہباز شریف نے دی، جبکہ ان کا اطلاق آج رات سے کر دیا گیا ہے جو آئندہ ایک ہفتے تک نافذ العمل رہیں گی۔
وزارتِ پیٹرولیم کے ذرائع کا کہنا ہے کہ عالمی منڈی میں خام تیل کی قیمتوں میں اضافے کے باوجود پاکستان میں عوام کو ریلیف دینے کے لیے قیمتوں میں کمی کا فیصلہ کیا گیا۔
