ملاکنڈ میں ایک افسوسناک واقعہ پیش آیا ہے جہاں گھر کے اندر فائرنگ کے نتیجے میں دو خواتین جاں بحق ہو گئیں۔
یہ واقعہ ملاکنڈ کے علاقے سخاکوٹ میں پیش آیا، جہاں مبینہ طور پر دیور کی فائرنگ سے اس کی دو بھابھیاں موقع پر ہی دم توڑ گئیں۔ مقامی لیویز حکام کے مطابق ملزم واردات کے بعد فرار ہونے میں کامیاب ہو گیا۔
ابتدائی اطلاعات کے مطابق فائرنگ کی وجہ گھریلو ناچاقی بتائی جا رہی ہے۔ جاں بحق ہونے والی دونوں خواتین آپس میں سگی بہنیں تھیں۔
لیویز فورس نے ملزم کے خلاف ابتدائی رپورٹ درج کر کے واقعے کی تحقیقات شروع کر دی ہیں۔
