پاکستان کی سیاسی و عسکری قیادت کا ایران اور امریکہ کے درمیان جنگ بندی مذاکرات کامیاب بنانے کے عزم کا اظہار

وزیراعظم شہباز شریف کی زیرصدارت اعلی سطح مشاورتی اجلاس میں پاکستان کی سیاسی و عسکری قیادت نے ایران اور امریکہ کے درمیان جنگ بندی مذاکرات کامیاب بنانے کے عزم کا اظہار کیا ہے،اس سلسلے میں وزیر اعظم پاکستان شہباز شریف کی زیر صدارا ت اعلی سطحی اجلاس منعقد ہوا جس میں اعلی عسکری اور سول قیادت نے شرکت کی۔اجلاس میںچیف آف ڈیفنس فورسز فیلڈ مارشل عاصم منیر، نائب وزیراعظم اور وزیر خارجہ اسحاق ڈار، ، وزیر داخلہ محسن نقوی، وزیر دفاع خواجہ آصف اور سیکرٹری خارجہ بھی موجود تھے۔اجلاس میں اسلام آباد ہونے والے مذاکرات کے حوالے سے تفصیلی مشاورت کی گئی، مذاکرات کامیاب بنانے کے لیے اہم فیصلے بھی کیے گئے۔
اجلاس کے شرکا نے اسلام آباد مذاکرات کو کامیاب بنانے کا عزم کیا، اجلاس میں بتایا گیا کہ جنگ بندی پر پاکستان کے مثبت اور تعمیری کردار کو عالمی سطح پر سراہا جارہا ہے، امن کا یہ موقع ضائع نہیں ہونے دیا جائے گا، اجلاس کے دوروان شرکا نے جنگ بندی میں کلیدی کردار ادا کرنے پر فیلڈ مارشل کو خراج تحسین پیش کیا۔
قبل ازیں فیلڈ مارشل سید عاصم منیر وزیراعظم ہائوس پہنچے تو وزیراعظم شہباز شریف نے استقبال کیا اور انہیں دو ہفتوں کی جنگ بندی پر مبارک باد دی،علاوہ ازیں وزیراعظم شہباز شریف اور اعلی عسکری حکام نے مذاکرات کے مقام کا دورہ کیا، وزیر داخلہ محسن نقوی اور سکورٹی حکام بھی ہمراہ تھے، مذاکرات کے انتظامات کا جائزہ لیا۔