پشاور کے علاقے پشتخرہ میں نامعلوم موٹر سائیکل سوار ملزمان کی فائرنگ سے سابق ناظم سجاد خلیل چچا اور ڈی آر سی ممبر حاجی عبدالمان جاں بحق ہو گئے۔
پولیس کے مطابق دونوں افراد جنازے میں شرکت کے بعد واپس جا رہے تھے کہ راستے میں گھات لگائے ملزمان نے ان پر اندھا دھند فائرنگ کر دی۔ واقعے کے بعد حملہ آور موقع سے فرار ہونے میں کامیاب ہو گئے۔
پولیس کا کہنا ہے کہ فائرنگ کے نتیجے میں دونوں افراد موقع پر ہی دم توڑ گئے، جن کی لاشوں کو پوسٹ مارٹم کے لیے ہسپتال منتقل کر دیا گیا ہے۔
واقعے کے بعد علاقے میں سرچ آپریشن شروع کر دیا گیا ہے جبکہ ملزمان کی تلاش جاری ہے۔ پولیس حکام کے مطابق واقعے کی مختلف پہلوؤں سے تحقیقات کی جا رہی ہیں۔
