پشاور/چارسدہ(خصوصی رپورٹ) ممتاز عالمِ دین شیخ الحدیث مولانا محمد ادریس صاحب ترنگزئی پر اتمانزئی جنازہ گاہ کے قریب نامعلوم افراد نے فائرنگ کر دی، جس کے نتیجے میں وہ شہید ہو گئے جبکہ حملہ آور موقع سے فرار ہونے میں کامیاب ہو گئے۔ ابتدائی اطلاعات کے مطابق واقعہ اُس وقت پیش آیا جب مولانا محمد ادریس صاحب جنازہ گاہ کے قریب موجود تھے کہ نامعلوم مسلح افراد نے اُن پر اچانک اندھا دھند فائرنگ کر دی۔ فائرنگ کے نتیجے میں وہ شدید زخمی ہوئے اور زخموں کی تاب نہ لاتے ہوئے شہید تو گئے۔
واقعے کے بعد علاقے میں شدید خوف و ہراس پھیل گیا جبکہ پولیس اور قانون نافذ کرنے والے اداروں نے جائے وقوعہ پر پہنچ کر شواہد اکٹھے کر لیے۔ پولیس حکام کے مطابق حملہ آوروں کی تلاش کے لیے سرچ آپریشن شروع کر دیا گیا ہے اور واقعے کی مختلف پہلوؤں سے تحقیقات جاری ہیں۔
شیخ محمد ادریس صاحب ترنگزئی کی شہادت کی خبر سامنے آتے ہی مذہبی و سماجی حلقوں میں گہرے دکھ اور غم کی لہر دوڑ گئی۔ علماء کرام اور عوامی حلقوں نے اس واقعے کی شدید مذمت کرتے ہوئے حکومت سے مطالبہ کیا ہے کہ قاتلوں کو فوری گرفتار کر کے قرار واقعی سزا دی جائے۔
ں۔
