صوابی:فیڈرل بورڈ آف ریونیو (ایف بی آر)نے صوابی کے گدون انڈسٹریل اسٹیٹ میں ایک فیکٹری پر کارروائی کے دوران 12کروڑ روپے مالیت کا غیرقانونی سگریٹ پیپربرآمد کرنے کا دعویٰ کیا ہے۔
ایف بی آر کے مطابق کارروائی کے دوران ایک ہزار 225 کارٹن سگریٹ پیپرقبضے میں لے لیے گئے۔
ایف بی آر کا کہنا ہے کہ غیرقانونی سگریٹ پیپر کی برآمدگی کے نتیجے میں قومی خزانے کو 6.1ارب روپے کے ممکنہ نقصان سے بچا لیا گیا۔
ایف بی آر کے مطابق ضبط کیا گیا سگریٹ پیپر سرکاری گودام مردان منتقل کردیا گیا ہے۔
محکمہ کا کہنا ہے کہ غیرقانونی اشیا کے خلاف کارروائیاں جاری رکھی جائیں گی۔
