وائٹ ہاؤس کے مطابق ایران امریکا مذاکرات کا پہلا دور ہفتے کو اسلام آباد میں ہوگا جبکہ نائب صدرجے ڈی وینس کی قیادت میں ٹیم پاکستان بھیج رہے ہیں اور انہوں نے ایران کے مسئلے پر اہم کردار ادا کیا ہے۔
ترجمان وائٹ ہاؤس کیرولائن لیویٹ نے نیوز بریفنگ کے دوران دعویٰ کیا کہ آپریشن ایپک فیوی میں ایرانی فضائیہ ، نیوی اور فوجی صلاحیت ختم کر دی ہے۔
ترجمان کا کہنا تھا کہ ایران کے جوہری اور میزائل پروگرام پر حملے کئے گئے اور ایران اب اپنے علاقائی پراکسیوں کو ہتھیار فراہم نہیں کر سکتا۔
انہوں نے بتایا کہ جنگ کے دوران 13 امریکی فوجی ہلاک اور سیکڑوں زخمی ہوئے، سیز فائر معاہدہ امریکا کی فتح ہے اور امریکی صدر ٹرمپ کی ریڈ لائنز تبدیل نہیں ہوئی ہیں۔
ان کا کہنا تھا کہ ایران نے آبنائے ہرمز کھولنے پر اتفاق کیا ہے۔
انہوں نے یہ بھی دعویٰ کیا کہ ایران نے اشارہ دیا ہے کہ وہ یورینیم حوالے کر سکتے ہیں۔
