تل ابیب: اسرائیلی فوج نے دعویٰ کیا ہے کہ گزشتہ 24 گھنٹوں کے دوران ایران کے مغربی اور وسطی علاقوں میں 200 سے زائد اہداف کو نشانہ بنایا گیا۔ فوج کے مطابق ان حملوں میں بیلسٹک میزائل لانچرز، فضائی دفاعی نظام اور اسلحہ تیار کرنے والے مراکز شامل تھے، جبکہ اسرائیلی لڑاکا طیاروں نے بڑے پیمانے پر 20 حملے کیے۔
اس دوران تہران میں اسرائیلی حملوں کو روکنے کے لیے فضائی دفاعی نظام فعال کر دیا گیا تھا۔ اسرائیلی فوج نے حملوں کے دعوے تو کیے ہیں، تاہم ان سے ہونے والے حقیقی نقصانات کی کوئی آزاد تصدیق ابھی سامنے نہیں آئی۔
