کرم:سکیورٹی فورسز نے کرم ڈسٹرکٹ میں انٹیلی جنس بیسڈ آپریشن کے دوران فتنہ الخوارج سے وابستہ افغان شہری عبید اللہ سعد سمیت 4 دہشتگردوں کو ہلاک کردیا۔
ذرائع کے مطابق کارروائی 8ستمبر 2026کو خوارج کے خلاف کی گئی، جس میں فتنہ الخوارج سے منسلک افغان خارجی عبید اللہ سعد اپنے 3 ساتھیوں سمیت مارا گیا۔
ذرائع کا کہنا ہے کہ ہلاک ہونے والے عبید اللہ سعد ولد غلام غوث صالحی کا تعلق افغانستان کے صوبہ لوگر کے گائوں شاہی قلعہ سے تھا اور وہ کالعدم فتنہ الخوارج سے وابستہ تھا۔
ذرائع کے مطابق عبید اللہ سعد پاکستان میں دہشتگردی کی متعدد کارروائیوں میں ملوث رہا تھا۔
سکیورٹی فورسز کی جانب سے افغانستان سے دراندازی کرنے والے ریاست دشمن عناصر کے خلاف کارروائیاں جاری رکھنے کے عزم کا اظہار کیا گیا ہے۔
سکیورٹی حکام کے مطابق ملک کے امن و سلامتی اور عوام کے جان و مال کے تحفظ پر کوئی سمجھوتہ نہیں کیا جائے گا۔
